भूमी अभिलेख भरती 2021 अपडेट | Bhumi Abhilekh 2021 Latest Updates

भूमी अभिलेख विभागातील गट-क संवर्गातील रिक्त पदे सरळसेवेने भरण्याकरिता दिनांक 09/12/2021 रोजी जाहिरात प्रसिद्ध करण्यात आली होती. ऑनलाईन अर्ज सादर केलेल्या उमेदवारांच्या माहितीची प्राथमिक तपासणी केली असता भूमी अभिलेख विभागातील भूकरमापक तथा लिपिक पदाकरिता जाहिरातीत नमूद अर्हता धारण न करणाऱ्या उमेदवारांनी देखील अर्ज सादर केल्याचे दिसून आले. तसेच उमेदवारास कोणत्याही एकाच विभागाकरिता अर्ज सादर करण्याबाबत सूचना असूनदेखील काही उमेदवारांनी एकापेक्षा अधिक विभागाकरिता अर्ज सादर केलेले दिसून आले. या कारणास्तव विभागाकडून दिनांक 28/02/2022 ते 13/03/2022 या कालावधीत छाननी अर्ज भरण्याची प्रक्रिया राबविण्यात येऊन दुबार अर्ज भरलेल्या उमेदवारांना कोणत्याही एकाच विभागातील अर्ज कायम करण्याची तसेच धारण करत असल्याबाबत प्रमाणपत्र अपलोड करण्याची संधी उपलब्ध करून देण्यात आलेली होती.