महाराष्ट्राची जनगणना | Cencus of Maharashtra | Cencus of India 2011

एका विशिष्ट वेळी, विशिष्ट प्रदेशात वास्तव्यास असलेल्या लोकांच्या संख्येला लोकसंख्या म्हणतात आणि लोकसंख्या मोजण्याच्या या प्रक्रियेस जनगणना असे म्हणतात.

भारतात सर्वात पहिली जनगणना १८७२ साली लॉर्ड मेयोच्या काळात पार पडली. त्यानंतर १८८१ पासून दर १० वर्षानंतर जनगणना करण्यात येऊ लागली. २०११ सालाची जनगणना हि १८७२ नंतरची १५ वी जनगणना तर स्वातंत्र्यानंतरची ७ वी जनगणना होती.

२०११ च्या जनगणनेनुसार भारताची एकूण लोकसंख्या १२१ कोटी इतकी आहे आणि महाराष्ट्र राज्याची लोकसंख्या ११.२४ कोटी इतकी आहे. महाराष्ट्राची लोकसंख्या भारताच्या एकूण लोकसंख्येच्या ९.२८% इतकी आहे. लोकसंख्येचा विचार करता महाराष्ट्र देशातील द्वितीय क्रमांकाचे राज्य ठरले तर पहिल्या क्रमांकावर उत्तर प्रदेश आहे. उत्तर प्रदेशची लोकसंख्या १९.९८ कोटी आहे.